Oficerët e policisë izraelite përdorën forcë për të shpërndarë demonstruesit që ishin mbledhur jashtë konsullatës amerikane në Jerusalemin Perëndimor/Al-Quds, duke protestuar kundër sulmeve të Izraelit në Rripin e Gazës.
Një grup aktivistësh hebrenj u mblodhën jashtë konsullatës amerikane dhe bënë thirrje për një armëpushim në Gaza. Në protestën, ku morën pjesë disa dhjetëra persona, aktivistët mbanin pankartën “Ndaloni bombardimin e Gazës”.
Demonstruesit brohorisnin slogane kundër luftës dhe mbanin fotografi të civilëve palestinezë të vrarë nga ushtria izraelite në Rripin e Gazës.
Në një moment, policia izraelite ndërhyri dhe rrahu disa aktivistë dhe konfiskoi fotografitë e civilëve të vrarë në Gaza.
Pjesëtarët e policisë shtynë dhe shpërndanë dhunshëm demonstruesit e mbledhur që planifikonin të vazhdonin protestën. Disa qytetarë kanë regjistruar me celularët e tyre dhunën e policisë izraelite ndaj demonstruesve.
Ndodh kjo në të ashtuquajturin “shtetin më demokratik” të Lindjes së Mesme.
Por bashkë me këtë mit të sajuar mbi Izraelin, qartazi një shtet genocidal, po bijnë dhe mite të tjera nga ajo çfarë po ndodh në Gaza, siç është “superushtria” e saj. Përballë rezistencës palestineze, Izraeli poshtërohet ushtarakisht në Gaza, duke i mbetur vetëm të vrasë gra e fëmijë, siç dhe vret prej tre muajsh. /tesheshi.com/
