Zbulohen çdo ditë e më shumë detaje rreth grupit mafioz të trafikantëve shqiptar në Itali, së cilëve iu kap rreth 2 ton hashash me gomone.
Trafikanët shqiptarë të kapur një ditë më parë nga policia italiane jane pjesë e një rrjeti të mirorganizuar që kishte kohë që operonte në Itali.
Sipas Prokurorisë italiane, disa prej tyre janë rezidentë të rregullt në territorin italian dhe madje njihen si sipërmarrës të shoqërive të vogla të ndërtimit.
Gjatë kontrollit, autoritetet italiane kane gjetur edhe paisje të sofistikuara për ti shpëtuar përgjimit. Ndërkohë vijojnë hetimet për bashkëpunëtorët e tjerë në Shqipëri dhe Itali.
Autoritetet italiane kanë deklaruar se disa nga 5 shtetasit shqiptarë të arrestuar gjatë këtij operacioni janë rezidentë të rregullt prej vitesh në territorin italian, madje dhe sipërmarrës të shoqërive të vogla ndërtimi.
Për Prokurorinë e Peskarës droga e sekuestruar në brigjet e komunës së Fanos nga një gomone që vinte nga Shqipëria është ngarkesa më e madhe me lëndë narkotike e kapur deri më tani në këtë territor.
Sasia prej 1820 kg marijuanë do të vlente në treg nga 6 deri në 18 milionë euro.
Hetimet e këtij operacioni kanë nisur më vitin 2014, pasi në brigjet e këtij territori ashtu si dhe në janar të këtij viti në plazhet e Civitanova Marche, Porto Recanati e Porto Potenza Picena, Marzoça e Senigallia janë gjetur pako marijuanë të dala nga deti për shkak të humbjes së ngarkesës gjatë transportit.
Prej këtij momenti, policia italiane ka mbajtur nën kontroll territorin deri në suksesin e operacionit të mbrëmjes së të premtes.
Autoritetet italiane theksuan se ngarkesa e marijuanës ishte e konfeksionuar në pako të mbyllura hermetikisht me celofan e mbi çdo pako është shënuar një shenjë që korrespondon me emrin e qytetit italian ku do të transportohej më pas.
Shenja të tilla të orientojnë drejt qyteteve si Bolonja, Verona etj, por hetimet vazhdojne për të identifikuar bashkëpunëtorët e grupit kriminal që vepron në territorin italian por dhe në atë shqiptar.
/tesheshi.com/
