Policia italiane ka zbuluar një grup që spiunonte policinë, institucione të ndryshme, administratën publike, sipërmarrës si dhe pesonalitete politike, mes të cilëve edhe ish-kryeministrin Matteo Renzi-n dhe kreun e BQE-së, Mario Draghi-n.
Ata janë motër e vëlla, inxhinieri bërthamor Giulio Oçhionero dhe Francesca Maria, të dy rezidentë në Londër por me banim në Romë dhe të njohur në botën e financës.
Hetimi i kryer nga Policia postare dhe prokuroria e Romës, arriti në të zbulonte se ky grup menaxhonte një rrjet kompiuterash të infektuar nga një virus që quhej “Eyepyramid” që u kishte mundësuar të grumbullonin prej vitesh njoftime të rezervuara dhe të dhëna delikate të dhjetëra personaliteteve, kryesisht në botën e financës.
Dhe mes të përgjuarve ishin personalitete me peshë në jetën publike si gjendet ish-kryeministri Matteo Renzi, kreu i BQE-së Mario Draghi, ish-kryeministri Mario Monti, ish-guvernatori i “Banca d’Italia” Fabrizio Saçomanni, ish-komandanti i përgjithshëm i “Guardia di Finanza”, Saverio Capolupo. /tesheshi.com/
