Policia greke ka zbuluar një lloj të re bime narkotike, që quhet salvia, e cila ka shkaktuar shumë raste vdekjesh në Europë.
Salvia është një drogë psikoaktive që del nga bima me të njëjtin emër, që prodhohet kryesisht në provincën Oaxaca në Meksikë.
Lënda narkotike ka hyrë për herë të parë edhe në Greqi, ndërsa trafikanti i saj ishte një shtetas shqiptar, 31 vjeç, i cili është arrestuar në lagjen “Lavrio” të kryeqytetit grek, raporton TCH.
Atij i është zbuluar 24 gramë nga kjo drogë e rrezikshme, e fshehur në pjesën e kondicionerit të makinës. Gjithashtu 31-vjeçari ka pasur me vete edhe sasi të vogla kokaine dhe hashashi.
Policia ka shpallur në kërkim edhe një bashkëpunëtor të shqiptarit.
Salvia shkakton halucinacione intensive, ndaj dhe është karakterizuar si “udhëtari i shpirtit”.
Përdoruesit e saj, në gjendje halucinante besojnë se mund të fluturojnë dhe hidhen nga ndërtesa të larta duke humbur jetën. /tesheshi.com/
