Policia greke publikoi emrat dhe aktivitetin e një bande, e cila u kap pas sekuestrimit të afro 1 ton kokainë, ardhur nga Republika Domenikane, dhe e cila do trafikohej në Shqipëri e Europë. Operacioni u finalizua në Agrinjo, një qytet në anë të autostradës Janinë-Athinë. Kapoja i bandës rezulton të jetë shqiptar, një emër që ka bërë histori kriminale prej vitesh në Greqi, duke qenë dhe i burgosur.
Fjala është për Sandër Pemën, ndërsa anëtarë të tjerë kanë rezultuar të jenë: Arbër Përdeda, Ergon Tusi, Erlin Zotaj, Lek Doda
dhe Maksim Preçi, të gjithë të arrestuar.
Polcia fqinje ofroi dhe skemën e funksionimit të bandës, ku lojtar është dhe një arab.
-Një person me origjinë arabe, por që jeton në Spanjë i cili është porositësi i sasisë së drogës.
-Një shtetas i huaj, dyshohet shqiptari Sandër Pemaj, ishte personi përgjegjës për të gjitha detajet për trafikun e drogës, nga gjetja e jahtit, ekuipazhi dhe koordinimi i transportit.
-Një shtetas i huaj, rezident në një vend ballkanik dhe një 28-vjeçar ishin të ngarkuar për marrëveshjet monetare të transportit të drogës dhe realizimin e pagesave.
-Një i huaj ishte përgjegjësi si për dorëzimin e drogës nga furnizuesit e Amerikës Latine, për transportin (ekuipazhi i jahtit) dhe për dorëzimin e sasisë tek anëtarët e tjerë të grupit.
-Një i huaj përgjegjës për marrjen e drogës në Greqi dhe shpërndarjen e saj të mëtejshme në vendet evropiane, me një rol koordinues, duke ardhur në kontakt të drejtpërdrejtë me anëtarët kryesorë të organizatës në Spanjë.
-Një vendas, i cili në bashkëpunim me dy të huaj të tjerë dhe një person të panjohur, ishte përgjegjës për transportin e sigurt të drogës dhe marrjen e masave të sigurisë.
– Një i huaj, 30 vjec rezident në Spanjë, merrej me çështjen e sigurisë për takimet e krerëve të organizatës dhe anëtarëve të tjerë.
Si rezultat i operacionit u sekuestruan:
– Kokainë që peshon -1 ton dhe -181,048 kg
– Kërp i papërpunuar, -100- gramë
– 233.150- €
– Pluhur i bardhë me përbërje kimike të panjohur, -49- gramë
– Dy (2) peshore elektronike precize
– Revolver 38 mm
– Tre (3) pistoleta
– Pushkë kallashnikovi
(92) fishekë të kalibrit të ndryshëm
– Pesë (5) vetura private makina
– Nëntëmbëdhjetë (19) pajisje të telefonisë celulare
– Shumë pako najloni dhe shënime të shkruara me dorë. /tesheshi.com/
