Inspektorët e policisë kriminale federale bastisën të martën Allianz Arena në Mynih dhe kontrolluan ambientet e klubit, sipas lajmit dramatik të publikuar nga e përditshmja Bild.
Ambientet e stadiumit të mrekullueshëm, si dhe zyrat e Bayern-it, u kontrolluan, të gjitha si pjesë e hetimit për pastrimin e dyshuar të parave të oligarkut uzbeko-rus Alisher Usmanov, i cili, sipas vlerësimeve, posedon një pasuri prej 14 miliardë dollarë.
Ish-presidenti i Bayern-it, Uli Hoeness, kishte një marrëdhënie shumë të mirë me Usmanov, duke i dhënë shpesh atij një sasi të madhe biletash VIP për ngjarje të ndryshme, veçanërisht në ndeshjet e Bayern-it në Champions League.
Rezultatet e kërkimit nuk dihen ende dhe raportohet se inspektorët kanë kohë që kërkojnë prova që do të konfirmonin dyshimet për pastrim parash.
“Nuk po zhvillojmë asnjë hetim kundër Bayern-it, as ndaj drejtuesve apo anëtarëve të klubit”, njoftoi Prokuroria Publike gjermane.
Kujtojmë se në vitin 2014, Hoeness u dënua për evazion fiskal dhe kreu 18 muaj burg. /tesheshi.com/
