Vetëm një javë pas largimit të mijëra emigrantëve nga kampi i Kalesë, policia franceze ka ndërmarrë sot një aksion për prishjen e një kampi të sajuar në rrugë në pjesën verilindore të kryeqytetit të vendit.
Qindra policë kanë marrë pjesë në operacionin e nisur në agim, si shenjë e vendosmërisë së qeverisë franceze për t’i larguar refugjatët nga rruga e për t’i dërguar në strehime.
Nuk ka patur përpjekje për rezistencë apo për dhunë gjatë operacionit të shpërnguljes, të nisur qetë e me rregull.
Një numër i përgjithshëm prej 82 autobusësh u përdorën për dërgimin e refugjatëve dhe emigrantëve në 80 strehime të përkohshme rreth e qark Parisit.
Operacioni e ka përmbushur misionin pak pas mesditës, ndërsa janë shpërngulur 3.852 persona.
Zyrtarët francezë kanë treguar se emigrantët do të ridrejtohen për në qendrat e refugjatëve kudo në vend, për të kërkuar dhe azil nëse munden ta bëjnë diçka të tillë.
Zona e pastruar sot, një pjesë multietnike e kryeqytetit francez, mbledh emigrantët që mbërrijnë në Paris, dhe policia kryen herë pas here operacione për t’i hequr që andej. /tesheshi.com/
