Policia e Tiranës arrestoi sot një 43-vjeçar, i cili dyshohet se shpërndante heroinë në disa nga zonat e kryeqytetit.
Burime zyrtare bëjnë të ditur se është organizuar shërbimi me qëllim kapjen në flagrancë të shtetasit Miron Xhano , të cilit iu gjetën 5 doza me lëndë narkotike të dyshuar si heroinë.
Për 43-vjeçarin, specialistët e seksionit për narkotikët, dispononin informacion se kryente aktivitetin e kundërligjshëm të shitjes së lëndëve narkotike, në sasi të konsiderueshme si dhe me doza, personave të ndryshëm, në zonën e 21 Dhjetorit, Rrugës së Durrësit dhe Sheshi Karl Topia.
Gjatë kontrollit të banesës së tij, janë gjetur dhe sekuestruar në cilësinë e provës materiale 329.2 gramë heroinë, e ndarë në paketime dhe doza të ndryshme.
Gjithashtu janë sekuestruar në cilësinë e provës materiale: 1 automjet i markës Volksëagen, 4 aparatura telefonike dhe 1 peshore elektronike
Materialet procedurale do ti kalojnë Prokurorisë pranë Gjykatës së Shkallës së Parë Tiranë, për veprime të mëtejshme hetimore për veprën penale “prodhimi dhe shitja e lëndëve narkotike”. /tesheshi.com/
