Policia e Shtetit vendos të merret seriozisht me të ashtuquajturin “qytetar dixhital” t ëish-kryeministrit Basha.
Në një njoftim për shtyp, Policia e Shtetit thotë se prej këtje e tutje, çdo akuzë që buron prej “qytetarit dixhital” të Berishës, do e çojë këtë të fundit për ballafaqim penal.
“Policia e Shtetit konstaton me keqardhje se shtetasi Sali Berisha ka prodhuar dhe postuar në rrjete sociale në vazhdimësi shpifje të panumërta ndaj kësaj organizate ligj zbatuese.
E gjendur nën presionin e pandërprerë të një lumi shpifjesh nga ana e këtij shtetasi, Policia e Shtetit bën me dije se do të reagojë me kallzime penale, duke kërkuar zbardhjen shpejt dhe deri në fund të këtyre shpifjeve nga Prokuroria.
Publikimet e këtij lloji tentojnë të ndërtojnë një fushatë të mirëfilltë linçimi publik, që ka qëllim të denigrojnë, delegjitimojnë, dekurajojnë dhe pengojnë punën e trupës së Policisë së Shtetit në shërbim të Kushtetutës, ligjit e qytetarëve.
Policia e Shtetit do ta adresojë në rrugë ligjore këtë tentativë të papranueshme dhe do të mirëpresë hetimet që do të provojnë bazën e çdo akuze nga ana e z.Berisha. Kjo është e rëndësishme jo vetëm në respekt të opinionit publik, por dhe për vetë Policinë e Shtetit”, thuhet në deklaratë.
Ç’prej kur kaloi në opozitë, ish-kreu demokrat Berisha përcjell në publik info të ndryshme që i vijnë prej shumëkujt, me akuza kurrë të vërtetuara. /tesheshi.com/
