Policia shqiptare u rikthehet qenve, si një instrument zoologjik ndihmës në punën e saj.
“Përdorimi i qenve të policisë është një instrument shtesë në rritjen e sigurisë”, tha Drejtori Policisë së Shtetit, Haki Çako, I cili, së bashku me ministrin Tahiri ishin të pranishëm në ceremoninë e demonstrimit të përgatitjes dhe trajnimin e qenve të shërbimit të Policisë për specialitete të ndryshme.
“Në ditët e sotme, kur njerëzit janë të lirë të lëvizin kudo, ku lufta ndaj trafiqeve të paligjshme dhe drogës, në veçanti ndaj terrorrizmit dhe gjithë formave të tjera cënojnë gjithë komunitetin dhe sigurinë kombëtare, ne kemi intesifikuar punën për identifikimin, zbulimin e ketyre aktiviteteve dhe një nga mundësitë e shtuara është dhe përdorimi dhe trajnimi i qenve të Policisë”, tha Çako. /tesheshi.com/
