Ministri i Brendshëm Taulant Balla paralajmëroi ngritjen e asaj që e quajti Forcë Kombëtare e Sigurisë Publike.
Sipas tij, kjo forcë do zgjidhë joefikasitetin e policive vendore, që siç tha, janë jo efikasë për shkak të afrimitetit që efektivët kanë me qytetarët dhe rrjedhimisht edhe me kriminelët.
“Do kemi forcë kombëtare të sigurisë publike, sipas modeleve të disa vendeve do kemi forcë kombëtare të sigurisë publike sipas modeleve të disa vendeve, që do riparojë eficencën e policisë në nivel vendor.
Policia lokale për shkak të familjaritet që ka me banorët dhe kriminalitetin vendor është joefikase për të goditur në kohë.
Gjatë këtyre 80 ditëve pas shumë konsultimeve edhe me ekspertë vendas e të huaj, na duhet një forcë kombëtare që do fillojë të ngulitet në mendjen njerëzve që po erdhi kombëtarja, historitë e pandëshkueshmërisë do marrin fund njëherë e përgjithmonë”, tha Balla. /tesheshi.com/
