Policia e Nju Jorkut ka arrestuar Michail Isakharov-in, i cili pati sulmuar një grua muslimane muajin e kaluar.
Ngjarja e rënë pati ndodhur më 14 nëntor, vetëm gjashtë ditë pas zgjedhjes së Donald Trump-it si president i Shteteve të Bashkuara të Amerikës.
Sipas policisë, Isakharov-i pati bërtitur, “muslimanët nuk duhet t’i japin makinës”, pak para se t’i përplaste telefonin viktimës dhe t’i hiqte hixhabin nga koka. Isakharov akuzohet për sulm ndaj personit për shkak të urrejtjes.
CAIR-i, Këshilli për Marrëdhëniet Islamo-Amerikane, e ka mirëpritur arrestimin e sulmuesit, duke e përgëzuar policinë e Nju Jorkut për efikasitetin dhe përgjigjen e duhur ndaj këtij sulmi islamofob.
“Ne përgëzojmë njësinë operative për krimet për shkak të urrejtjes në policinë e Nju Jorkut dhe presim që prokuroria ta ketë këtë në prioritetet e saj,” ka deklaruar drejtori ekzekutiv i CAIR-it në Nju Jork, Afaf Nasher.
“Shpresojmë që ky arrestim të jetë një tregues se krime të tilla nuk do të lejohen në qytetin e Nju Jorkut.” /tesheshi.com/
