Ministri i Brendshëm i Kosovës, Xhelal Sveçla, në një konferencë të fundit për media deklaroi se qëllimi i sulmit në Banjska ishte aneksimi i veriut të Kosovës.
Sipas tij, përgatitjet për sulmin janë bërë në Serbinë qendrore, gjë që, tha ai, shihet nga dronët e sekuestruar nga grupi.
Pictured: The terrorists who carried out the attacks trained in Pasuljanske Livade, one of the Serbian Army's key bases, ~4 days before the attacks. Other exercises took place in the Kopaonik base. The attacks enjoyed the full support & planning of the Serbian state. pic.twitter.com/eWp4dMsGee
— Albin Kurti (@albinkurti) October 1, 2023
Sveçla tha se do të shohim jo vetëm sulmin në Banjska, por edhe përgatitjet e grupit në qendrat stërvitore në Serbi në Kopaonik, në pronën e Milan Radoiçiçit.
“Në trajnim kanë marrë pjesë presidenti i Serbisë Aleksandar Vuçiç, ministri i Mbrojtjes Millosh Vuçeviç dhe shefi i komandës së ushtrisë Milan Mojsiloviç”, tha Sveçla.
Ai ka shtuar se Vuçiq ka tentuar ta fsheh faktin se Serbia ka qenë e përfshirë në organizimin e sulmit.
Drejtori i Policisë së Kosovës, Gazmend Hoxha, tha se grupi që sulmoi Policinë e Kosovës në Banjskë më 24 shtator ishte duke u përgatitur për një kohë të gjatë në Serbi dhe kishte ushtruar në zonën e hotelit Grey në Kopaonik, i cili është në pronësi nga Milan Radoiçiç, dhe gjithashtu ishte ushtruar në një poligon.
Ai shtoi se Serbia vuri në dispozicion logjistikën dhe infrastrukturën për këtë grup.
“Ushtrimet ushtarake janë mbajtur në një nga terrenet më të mëdha të stërvitjes ushtarake në Serbi, të paktën katër ditë para sulmit në Banjskë”, tha Hoxha. /tesheshi.com/
