Policia e Kosovës ka njoftuar se protesta e sotme e organizuar nga dy partitë opozitare AAK dhe NISMA ka kaluar e qetë dhe pa incidente.
Sipas njoftimit të policisë, në protestën e sotme kanë marrë pjesë rreth 5 mijë protestues.
“Policia e Kosovës (PK) si institucion i zbatimit të ligjit ka ndërmarrë të gjitha veprimet konform Kushtetutës së Kosovës, ligjeve në fuqi dhe planit të hartuar, për të garantuar rendin dhe qetësinë publike, për mbarëvajtjen e protestës si dhe krijimin e mundësisë së lëvizjes së lirë të të gjithë qytetarëve”, – thuhet në njoftimin e policisë.
Më tej shtohet se protesta, në të cilën kanë marrë pjesë rreth 5.000 protestues, pas fjalimeve të disa personaliteteve, rreth orës 15:05 minuta e njëjta ka përfunduar e qetë dhe pa incidente. /tesheshi.com/
