Droga e Shqipërisë po infekton dhe Kosovën. Regjistrohet i dyti rast në pak ditë që sasi të mëdha marijuane kapen nga policia kosovare.
Janë 825 kilogramë të sekuestruara në Ferizaj, ku njëherësh janë bllokuar dhe 6 automjete si dhe 26 telefona celularë, të cilat u përkisnin 12 të arrestuarve si trafikantë, mes tyre një maqedonas dhe të tjerët kosovarë.
Paraprakisht mësohet se droga kishte ardhur nga Shqipëria, me destinacion të mëpastajmë vendet perëndimore. Hetimet për këtë grup trafikantësh kanë zgjatur tre muaj. /tesheshi.com/
