Policia e Kosovës ka dhënë detaje tjera lidhur me mjetin e dyshuar eksplodues në xhaminë e Drenasit. Sipas Policisë, mjeti i dyshuar eksplodues nuk ka pasur mjete inicuese për eksplodim, pasi që nuk ka pasur detonator.
Policia thotë se njësia për trajtimin e materieve eksplozive-deminim e PK-së në mënyrë të kontrolluar ka bërë tërheqjen e mjetit eksplodues të llojit TNT me peshë 2.2 kg.
“Mjeti eksplodues ishte i vendosur brenda rrethojës së xhamisë, konkretisht në një çantë ku shiheshin disa tela dhe një pllakë metalike. Njësitet përkatëse policore janë duke hetuar të gjitha detajet lidhur me rastin”, thuhet në njoftimin e policisë. /tesheshi.com/
