Policia e Kosovës është mobilizuar për protestën e sotme që do të organizohet nga dy partitë opozitare AAK dhe NISMA për Kosovën, protestë e cila është paralajmëruar se do të jetë paqësore.
Shumë pjesëtarë të policisë tashmë po qëndrojnë në gjendje gatishmërie në oborrin e Kuvendit të Kosovës.
Protesta do të fillojë në orën 14:00 dhe do të mbahet në sheshet e Prishtinës. Përmes kësaj proteste opozita po kundërshton dy marrëveshjet e qeverisë: atë për Demarkacionin kufitar me Malin e Zi dhe marrëveshjen për Asociacionin e komunave me shumicë serbe.
Policia e Kosovës ka thënë për tesheshi.com se të gjitha veprimet e saja do t’i realizojë konform autorizimeve ligjore që ka dhe konform vlerësimit të situatës.
Ndryshe, protesta e sotme nuk mbështet nga partia e parë opozitare Lëvizja Vetëvendosje, e cila pas shtatë muaj bashkëpunimi me AAK-ne e NISMA-n kanë ndarë rrugët. /tesheshi.com/
