Policia e Elbasanit ka dhënë detaje në lidhje me arrestimin ish deputetit të PS-së Hamit Kosta. Në njoftimin zyrtar sqarohet se arrestimi erdhi pasi ish deputeti ka kërcënuar seriozisht ish-bashkëjetuesen, 38-vjeçaren me inicialet E.T.
Mësohet se arrestimi i deputetit është bërë në lagjen “5 Maji”, ku me automjetin e tij tip “Hamer” me targa PE2505A dyshohet të ketë kanosur me fjalë dhe me armë zjarri ish- bashkëjetuesen.
“Gjatë kontrollit të mjetit, grupi hetimor ka gjetur dhe sekuestruar në cilësinë e provës material një armë zjarri pistoletë me gjashtë fishekë model 9mm të vendosur në krëhërin e saj.
Arma e zjarrit së bashku me automjetin janë sekuestruar në cilësinë e provës materiale.
Materialet i kaluan Prokurorisë së Rrethit Gjyqësor Elbasan për veprime të mëtejshme për veprën penale “Kanosja” dhe “Prodhimi dhe mbajtja pa leje e armëve luftarake dhe e municionit” parashikuar nga nenet 84 dhe 278 të Kodit Penal”, thuhet në njoftimin zyrtar të policisë. /tesheshi.com/
