Mensur Krasniqi
Me mijëra qytetarë dje në Shkup kanë protestuar kundër vendimit të Gjykatës Kushtetuese për ligjin për amnisti, gjegjësisht, për ligjin i cili i jep të drejta ligjore kryetarit të shtetit që t’i amnistojë mashtruesit zgjedhor dhe pedofilët.
Protesta, ashtu edhe siç ishte paralajmëruar nga organizatorët(organizatat joqeveritare) kaluan në atmosferë të qetë dhe paqësore. Protestuesit fillimisht shprehën revoltin e tyre përpara objektit të Qeverisë së Maqedonisë, për të vazhduar drejt zyrës së presidentit Ivanov, Kuvendit të Republikës së Maqedonisë e për t’u ndalur rreth 500 metra larg objektit të Gjykatës Kushtetuese.
Paraprakisht, gjatë ditës së djeshme qindra kundër-protestues kanë dalë dhe e kanë uzurpuar vendin në të cilin ishte objektiv i protestuesve, kështu duke detyruar policinë që të vendosë kordon me policë dhe autoblinda, për të mos i lënë që të ndeshen dy palët e protestuesve.
Me qëllim që t’i iket ndonjë incidenti eventual, nga Platforma Qytetare “Hajde”, si njëra nga organizatorët e kësaj proteste kanë bërë thirrje që qytetarët në mënyrë të qetë dhe paqësore të largohen nga vendi ku protestuan përafërsisht 4 orë.
Ndërkaq në këto moment Gjykata Kushtetuese po vijon seancën e saj nën dyer të mbyllura, kështu duke mos lejuar gazetarët që të ndjekin seancën e caktuar për në orën 9. Sipas ligjit seanca duhet të jetë e hapur.
Përveç gazetarëve, para objektit të Gjykatës Kushtetuese ende po qëndrojnë edhe kundër protestuesit(aktivistë të VMRO-DPMNE-së) të cilët e kishin kaluar natën nën tenda, gjoja se janë dalur në “mbrojtje” të Gjykatës.
Në vazhdim portali tesheshi.com do ju informon lidhur me vendimin eventual të Gjykatës Kushtetuese, nëse do të kalon propozimi i presidentit të shtetit Gjorgji Ivanov për t’i amnistuar manipuluesit zgjedhor dhe pedofilët, apo jo. /tesheshi.com/
