Policia është alarmuar për protestën e nesërme para kryeministrisë e thirrur nga disa organizata jo qeveritare dhe të mbështetura nga opozita.
Siç mësohet, policia ka mbledhur informacione sipas të cilave mund të ketë përshkallëzim të situatës.
Nesër paradite disa OJF kanë paralajmëruar një protestë në bulevardin “Dëshmorët e Kombit”. Ajo më shumë do të jetë demonstratë dhe nuk do të ketë fjalime të liderëve politikë.
Pritet që nesër të shpallet edhe nisja e një stine të gjatë protestash të disa llojeve në bulevard. Vetë policia ka angazhuar forca të mëdha dhe në një material konfidencial jepet disa detaje.
Sipas informacioneve të shpërndarë për efektivat, thuhet se duhet të ruhet gjakftohtësia dhe të ketë kujdes. Në shesh përveç forcave të policisë do të ketë edhe detashmentë të forcave specialë dhe të Gardës.
Ka informacione se ekziston një plan që disa protestues të hyjnë në katin e parë të kryeministrisë. Situata është delikate pasi nëse do të rrethohet me gardh mund të irritohen më shumë protestuesit.
Ndërkaq, ekziston droja e goditjeve të goditës me shishe me benzinë. Protestuesit do të kërkojnë lirimin e të arrestuarve në Kukës dhe familjarët e tyre do jenë në rresht të parë.
Opozita ka bërë të ditur se do të mbështesë çdo protestë. Kreu i LSI-së, Monika Kryemadhi tha mbrëmë se nëse nuk ikën Rama, do ta largojë populli me luftë.
“Duhet të ikë vetë dhe nëse nuk e bën është gjëja më normale për ta larguar me luftë. Unë do të ndjek popullin nga pas”, deklaroi Kryemadhi. /tesheshi.com/
