Babai i policit të vetëvrarë mëngjesin e kësaj të marte në Komisariatin e Fierit, ka hedhur dyshime se i biri mund t’ja ketë dhënë vetes për shkak të vettingut të pritshëm në radhët e uniformave blu.
Shyqyri Fafaj, babai i Kastriot Fafajt (në foton kryesore), ka thënë se i biri prej disa javësh kishte shfaqur shenja stresi, gjatë kohës që përgatiste dokumentat për vettingun.
“I kërkonin dokumente që nuk kishin lidhje me të. Nuk ka shfaqur asnjë shenjë që do ndërmerrte një akt të tille. Ishte shumë njeri i pastër, por e kishin ngarkuar shume emocionalisht me këto dokumente. E kanë stresuar shumë, pasi kishte kërkesa të mëdha. Kërkonin edhe lëvizjet e mia në Greqi, sa pension merrja, dokumentet e tokës. Nuk dimë nëse ka pasur ndonjë shqetësim tjetër”, tha Shyqyri Fafaj që humbi të birin këtë të martë.
Kastriot Fafaj qëlloi veten me pistoletën e shërbimit sapo përfundoi turnin, në mënyrë krejt të beftë. /tesheshi.com/
