Aksi rrugor Sarandë-Ksamil po patrullohet prej disa ditësh nga efektivë të Policisë së Shtetit dhe kolegët e tyre maqedonas, kjo në kuadër të një marrëveshjeje bashkëpunimi mes institucioneve të dy shteteve fqinje.
Shkak për angazhimin e punonjësve të policisë së Maqedonisë është numri i lartë i pushuesve nga ky vend në bregdetin jugor të Shqipërisë.
Megjithë habinë e treguar, drejtuesit e mjeteve i janë bindur kërkesave të punonjësve të policisë, të cilët mbanin veshur jelekë të shkruar në gjuhën maqedonase.
Policët shqiptarë janë shprehur të kënaqur nga bashkëpunimi që kanë me kolegët fqinjë për korrektesën e tyre dhe mirësjelljen.
“Bashkëpunim i shkëlqyer”, është vlerësimi që bëhet nga Policia e Shtetit, lidhur me angazhimin e kolegëve nga Maqedonia. /tesheshi.com/
