Një foto e Thomas Hoepker e marrë në 11 Shtator 2001, gjatë sulmit ndaj dy kullave binjake në Neë York, ka shkaktuar ndoshta polemikat më të mëdha rreth asaj dite, apo më saktë reagimit ndaj asaj çfarë ndodhte në metropolin amerikan e botëror njëherësh.
Fotografia tregon një grup të rinjsh njujorkez që qëndrojnë e bisedojnë shkujdesur nën rezet e diellit në një park të Brooklyn-it. Pas tyre është një re e zezë tymi ngrihet mbi Manhattan, pasi ka ndodhur sulmi më i rëndë terrorist në historinë e SHBA e që rezultoi me tre mijë jetë të humbura.
Autori vendosi të mos e publikojë foton në 2001, e ajo nuk u publikua as në një libër që përmbante të gjitha fotot e marra nga fotografë nga Magnum Photos, për të cilët punoi edhe Hoepker, i cili regjistroi tmerrin e sulmit terrorist.
Fotografia u publikua zyrtarisht vetëm në vitin 2006, përvjetorin e pestë të sulmit dhe që prej asaj kohe ka gjeneruar një numër komentesh. Kolumnisti i Neë York Times, Frank Rich shkroi për foton duke treguar se sa shumë amerikanë kanë humbur në mënyrë që të mësojnë nga kjo tragjedi, por gjithashtu, sipas tij, është humbur dhe mundësia për të ndryshuar dhe reformuar si popull.
“Të rinjtë në foto nuk janë pa shpirt, ata janë thjesht amerikanë”, shkroi ai.
Me fjalë të tjera, në një vend ku të gjithë besojnë në një nesërme më të mirë, të rinjtë në fotografi po jetojnë më mirë të tashmen, megjithë skenën e trishtuar pas shpinës së tyre, e cila ka lënë një mbresë të përjetshme për kombin amerikan.
Por fitoja duket se është keqinterpretuar.
Burri në të djathtë të fotografisë, Walter Sipser, pretendon se ai dhe mikesha e tij ishin në një lloj shoku, plotësisht të tmerruar nga ajo që po ndodhte pas tyre. Çifti u ankua se Hoepker i kishte fiksuar ata pa dijeninë dhe aprovimin e tyre dhe se ai kishte keqinterpretuar ndjenjat dhe sjelljen e tyre.
Midis qindra fotove të marra në 11 shtator 2001, kjo veçohet si më “artistikja”, si një histori ironike dhe e largët e ngjarjeve. Sipas disave, kjo foto thotë diçka tjetër: jeta nuk ndalet pavarësisht nga terrorizmi, dhe njerëzit në foto janë thjesht po jetojnë, sipas një gazetari të The Guardian. /tesheshi.com/
