Një investigim i rrjetit të investigimit BIRN është bërë çështje politike në vend.
Pas shkrimit të Besar Likmetës i cili publikoi argumentet se PD-ja ka publikuar rreth 1 milionë USD për lobim në SHBA duke përdorur një kompani off shore, kreu i grupit parlamentar të PS-së, Taulant Balla kërkoi nga selia blu që të mbajë përgjegjësi politike.
Të dhënat e publikuara nga Departamenti Amerikan i Drejtësisë tregojnë se kontratat u lidhën në fund të marsit 2017 dhe një kompanie të regjistruar në Skoci, që kapin vlerën e 675 mijë dollarëve, ku përfshihen edhe tarifat mujore të firmës. Te pagesat duket qartë edhe emri i PD.
PD ka pasur edhe një kontratë të drejtpërdrejt e cila është raportuar se ka marrë dy pagesa nga PD me vlerë 525 mijë dollarë dhe një vlerë me 125 mijë dollarë. Kur Basha ishte në çadër gjatë vizitës në SHBA, kryetari i PD firmosi një kontratë lobimi me vlerë 25 mijë dollarë.
Sipas të dhënave të SHBA për kompaninë ‘Muzin’ është projektimi i fushatës së PD për zgjedhjet e 25 qershorit, promovimi i PD në media dhe pranë figurave në SHBA. Kompania raporton se do të ndihmonte në krijimin e një lëvizje në Shqipëri.
Dy ditë para kontratës, ‘Muzin’ firmosi edhe një kontratë me një kompani të dyshimtë për 450 mijë dollarë. Në total shpenzimet për mars-qershor 2017 kapin shifrën e 825 mijë dollarëve shumë herë më të larta se shifrat e raportuara në KQZ. Basha të dalë dhe të shpjegojë se ku i ka gjetur këto para, ndërsa prokuroria të nisë hetimet” tha Balla. /tesheshi.com/
