Një takim i pamenduar deri është zhvilluar mes një ambasadori arab dhe deputeti katolikocentrik Agron Gjekmarkaj.
Deputeti demokrat që s’e ka fort për zemër botën e Lindjes së Mesme, nisur nga kontekste fetare, ndihet mirë që është takuar me një diplomat saudit, vetë ambasadorin e Riadit në Tiranë. Madje e quan vendin nga ai vjen e përfaqëson si “mike të Shqipërisë”. 
“Një takim i përzemërt me Ambasadorin e Arabisë Saudite në Tiranë, z.Faisal Ghazi Hifzi, përfaqësues i këtij vendi mik të Shqipërisë.
Diskutuam mbi bashkëpunimin mes dy shteteve në fusha të ndryshme por dhe rolit të Kuvendit të Shqipërisë dhe Asamblesë parlamentare Saudite në zgjerimin e marrëdhënieve në nivel politik, ekonomik e kulturor.
Gjeta gadishmëri dhe vullnet të plotë nga ana e Shkëlqesisë së Tij”, shkruan njeriu që edhe pse partia e tij është ndarë në dy pjesë, personalisht ai po i gëzohet të qënit n/Kryetar Kuvendi.
Pikërisht nga ky status i mundësohen dhe takime të tilla të formatit diplomatik. /tesheshi.com/
