Dubai është “streha e re” e krimit shqiptar, u konfirmua ky fakt nga vetë kreu i SPAK.
Grupet kriminale kanë shtrirë aktivitetin e tyre deri në Dubai, tha Arben Kraja në simpoziumin “Krimi organizuar ndërkombëtar, sistemi i luftës kundër mafias dhe bashkëpunimi gjyqësor”.
Sipas tij, grupet kriminale janë bërë shumë të egra dhe asnjë shtet i vetëm nuk mund ta luftojë i vetëm.
“Grupet kriminale kanë ndryshuar aktivitetin kohët e fundit. Kanë shtrirë aktivitetin në vendet ku prodhohet droga, ku tregtohet madje edhe në Dubai.
Gjithashtu, grupet kriminale janë bërë shumë të egër. Flas për shkak të vrasjeve të ndodhura kohët e fundit, teknologjia që ata përdorin, siç janë telefonat apo edhe paratë e pista.
Asnjë shtet i vetëm nuk e lufton dot këtë aktivitet të organizuar kriminal. SPAK për këtë është krijuar”, arsyetoi kreu i SPAK. /tesheshi.com/
.
