Kryeministri izraelit Benjamin Netanyahu tha në një mbledhje të liderëve amerikano-hebrenj se ai shpreson të arrijë ato që ai i përshkroi si “suksese të mëdha” që do të ndryshojnë fytyrën e gjithë Lindjes së Mesme dhe theksoi se Izraeli është në prag të fitoreve që nuk i kishte ëndërruar kurrë më parë.
Netanyahu theksoi, në një fjalim gjatë një konference në Jerusalem, të dielën, se qeveria e tij po koordinohet plotësisht me Shtetet e Bashkuara dhe ishte në dijeni të vizionit të Presidentit Donald Trump në lidhje me Rripin e Gazës përpara se të shpallej.
Ai i përshkroi takimet e tij me Trump në Uashington si shumë të rëndësishme sepse ato po riformësojnë Lindjen e Mesme, duke shtuar: “Ne jemi në prag të një ndryshimi historik për të siguruar të ardhmen e shtetit të Izraelit”.
Kryeministri izraelit tha se plani i Trump ishte “i vetmi që mund të ketë sukses”, duke shtuar se presidenti amerikan kishte paraqitur “një vizion të guximshëm, kështu që pse të mos i jepte popullit të Gazës një zgjedhje?”
Në lidhje me marrëveshjen e armëpushimit të Gazës, Netanyahu tha: “Ne kemi një strategji të përbashkët se kur dhe si të hapim portat e ferrit nëse të gjithë të burgosurit tanë nuk lirohen”.
Trump njoftoi gjatë një pritjeje në Shtëpinë e Bardhë për Netanyahun më 4 shkurt se Shtetet e Bashkuara do të marrin kontrollin e Rripit të Gazës për ta rindërtuar atë si pjesë e vizionit të tij për arritjen e paqes, i cili përfshin zhvendosjen e palestinezëve nga Gaza dhe vendosjen e tyre në Egjipt dhe Jordani, duke parandaluar kthimin e tyre.
Por Trump e Netanyahu harrojnë që përballë kanë një popull që Zoti e ka pajisuar me atribute që e bëjnë më të fuqishëm se ata dhe ushtritë e tyre. /tesheshi.com/
