Eshtë treguar i matur në fjalë i ati i Klodian Rashkës, 25-vjeçarit që humbi jetën mesnatën e së hënës nga një e shtenë polici në drejtim të tij, siç ka thënë vetë ky i fundit, prej një ndjenje vetëmbrojtjeje pasi viktima i është dukur se ka tentuar të nxjerrë e t’i drejtojë një armë.
Qazim Rasha tha se ai nuk ka shumë dëshirë të flasë për mediat e se nuk do që çështja të politizohet.
“Nuk më vjen mirë me dhënë intervista, nuk i shërbej asnjë lloj politike, por familjes sime. Ke familja jam i detyruar me i thënë këto për hir të fëmijës që sot e varrosa. Ashtu siç mendoj unë mendojnë të gjithë.
Shteti të bëjë punën e vet, të japë drejtësi, fajtori të shkojë në vendin që meriton dhe ne të kemi një fije shpresë dhe mbështetje, dhe të mendojmë se kemi një të ardhme në vend dhe të rrisim fëmijët pa ndrojtje, apo frikë, që të mos ketë frikë të dalë te rruga dhe të kthehet dhe të vijë në këtë gjendje që erdhi i imi.
Kjo mos i raftë askujt, nuk ia dëshiroj askujt, inshalla Shqipëria, dita që vjen do të bëhet më mirë”, ishin fjalët e të atit të Klodian Rashës.
Nga hetimet e deritanishme, efektivi që ka qëlluar rezulton fajtor për shkak të tejkalimit të kompetencave.
Sakaq, një protestë mbrëmjen e së mërkurës me prapavijë politike por jo e udhëhequr nga opozita, degjeneroi sërish në dhunë ndaj institucioneve. /tesheshi.com/
