Një zjarr i shpërthyer në një godinë të vjetër e të rrënuar në Pogradec, i ka marrë jetën një 42-vjeçari që jetonte i vetëm aty. Për më tepër, thuhet se ishte me probleme mendore.
“Më datë 18.01.2021, rreth orës 06:00, në fshatin Vërdovë, Pogradec, ka rënë zjarr në një banesë, në katin e dytë të së cilës jetonte i vetëm shtetasi N. Xh., 42 vjeç, i cili për pasojë ka gjetur vdekjen.
Grupi hetimor dhe shërbimet e zjarrfikëses ndodhen në vendngjarje, ku po punohet për të përcaktuar shkaqet e rënies së zjarrit dhe zbardhjen e rrethanave të ngjarjes”, thotë deklarata e policisë.
Fjala është për shtetasin Nardi Xhukellari.
I ndjeri jetonte në katin e dytë, aty ku dhe ka shpërthyer zjarri, i cili, mendohet të ketë patur si shkak një shkëndijë elektrike, që më pas është përhapur si pasojë e amortizimit të banesës. /tesheshi.com/
