Një tragjedi e rëndë ka ndodhur në një fshat të Pogradecit, ku 30 persona janë plagosur rëndë si pasojë e shpërthimit të një bombule gazi.
Ngjarja është regjistruar në lokalin e fshatit Beragozhd, ku shpërthimi i bombulës ka bërë që ai të përfshihet në flakë dhe për pasojë të gjithë personat që ishin brenda janë dëmtuar rëndë.
Dy ambulanca dhe zjarrfikse janë nisur me shpejtësi drejt vendit të ngjarjes, ku ndodhet edhe grupi hetimor për të zbardhur shkaqet.
Burime nga bluzat e bardha bëjnë me dije se 4 prej personave të dëmtuar janë në gjendje kritike për jetën. /tesheshi.com/
