Është kthyer në një çështje që po mban Mançester Junajted në ankth. Pikërisht kur duhet më tepër se kurrë, Pol Pogba po mungon në fushë.
Dëmtimi që pësoi në 12 shtator në ndeshjen e Champions League, nuk kaloi për 3 javë siç u përfol në media, por ka rrezik të kërkojë edhe muaj për tu rikuperuar. Ajo që ka çmendur trajnerin Murinjo, përtej këtij fakti, ka qenë së francezi për tu argëtuar, ka “luajtur” andej këtej me top, me pak basketboll e me ndeshje të vogla për qejf.
Madje portugezi deklaroi për mediat se dëmtimi i Pogba është thuajse i njëjtë si ai i Ibrahimoviçit, e mund të kërkojë edhe 3 muaj që të kalojë.
A e tha nga nervat, a e tha realisht Murinjo këtë, pakkush di ta ndajë. Por fakt është se Pogba nuk luan për Mançesterin, pikërisht në një moment kur skuadra e Murinjos, po shfaqet si pretendente për çdo titull këtë sezon. /tesheshi.com/
