Oscar Wilde ishte 27 vjeç kur mbërriti në Nju Jork në janar 1882. Dramaturgu dhe poeti i lindur në Dublin në 16 Tetor 1854, vizitoi 150 qytete amerikane në turin e tij të bisedave. Kur mbërriti në dokun e lumit Hudson, thotë legjenda, një agjent i doganës e pyeti nëse kishte diçka me vete që donte ta deklaronte. “Asgjë…asgjë përveç gjenialitetit tim”, kishte thënë poeti.
Wilde përveç se për punën e tij letrare, ka mbetur i famshëm edhe për citimet e ndryshme, që përdoren sot e kësaj dite. Citimet më të mira për Amerikën vijnë në këtë përmbledhje të autorit të librave “Rëndësia e të qënit i ndershëm” dhe “Portreti i Dorian Gray”.
Citime të Oscar Wilde për Shtetet e Bashkuara:
1) “Amerika është zbuluar shpesh përpara Kolombit, por ka kaluar në heshtje”
2) “Amerika nuk e ka falur kurrë Europën përse është zbuluar me herët në histori sesa ajo vetë.”
3) “Amerika është i vetmi vend që kaloi nga barbarizmi në dekadencë pas pasur qytetërim në mes”
4) “Në Amerikë, të rinjtë janë gjithmonë të gatshëm t’u japin atyre që janë më të moshuar se ata, përfitimet e plota të mungesës së tyre të eksperiencës”
5) “Kur amerikanët e mirë vdesin, ata shkojnë në Paris. Po amerikanët e këqinj? Ata qëndrojnë në Amerikë.” (Portreti i Dorian Gray)
6) “U zhgënjeva shumë në Oqeanin Atlantik”
7) “Ajo sillet sikur të ishte e bukur. Pjesa më e madhe e grave amerikane sillen kështu, është sekreti i sharmit të tyre”.
8) “Rinia e Amerikës është tradita e tyre më e vjetër. Daton prej 300 vjetësh”
9) “Nuk mendoj se duhet ta pëlqej Amerikën”. “Mendoj se për shkak se nuk kemi rrënoja dhe kuriozitete”, tha Virginia në mënyrë sarkastike. “Rrënoja e kuriozitete!”, tha Fantazma, “ju keni marinën dhe manierizmin” (The Canterville Ghost)
10) “Ne kemi realisht gjithçka të përbashkët me Amerikën në ditët e sotme, sigurisht përveç gjuhës”
11) “Në Amerikë, presidenti mbretëron për katër vjet, dhe gazetaria qeveris përgjithmonë e përgjithmonë”
12) “Walt Whitman dhe Emerson janë poetët që i kanë dhënë botës me shumë se gjithë të tjerët.
13)Ndoshta Witman nuk është edhe aq i lexuar në Angli, por Anglia nuk e vlerëson kurrë një poet deri pas vdekjes.
14) “Jugu i bukur, pasionant, i shkatërruar, vendi i manjolave dhe i muzikës, i trëndafilave dhe romancës…që jeton me kujtimin e disfatave shkatërrimtare”
15) “Çdokush në Amerikë duket sikur po nxiton të kapë trenin”.
16) “Gjëja e parë që me bëri përshtypje kur vura këmbën në Amerikë është që edhe pse amerikanët nuk janë njerëzit e veshur më hijshëm në botë, ata janë të veshur në mënyrën më të rehatshme”.
17) “Amerika është vendi më i zhurmshëm që ekziston. Njeriu aty zgjohet në mëngjes jo duke dëgjuar këngën e bilbilit, por shfryrjen e motorrëve”.
18) “Në një salon vallzimi kam parë metodën e vetme rationale të kritikës së artit. Mbi piano, ishte printuar një lajmërim: ‘Ju lutemi mos qëlloni pianistin. Ai po bën më të mirën që ka mundësi”.
19) “Çdo nuse amerikane dërgohet atje dhe pamja e ujëvarës së tmerrshme duhet të jetë një nga zhgënjimet e para fare, në mos më ngulmuesi, i jetës së të martuarve amerikanë. (për Ujëvarën e Niagarës)
20) “Vras mendjen përse asnjë kriminel nuk ka nxjerrë si justifikim për krimet e veta, shëmtinë e qytetit tuaj”(për Cincinnati-n). /tesheshi.com/
