Vrasja e tifozit të AEK-ut Michalis Katsouris gjatë trazirave të tifozëve para ndeshjes mes klubit grek dhe Dinamo Zagrebit ka tronditur Greqinë.
Si pasojë, prej dy ditësh ka nisur një gjueti e madhe për vrasësin, logjikisht kroat, duke u arrestuar shumë si të dyshuar. Por siç shkruan portali grek SDNA, është arrestuar edhe një tifoz i Panathinaikos.
Identiteti i tij nuk bëhet i ditur, por është person i njohur për policinë. Ai e ka vuajtur dënimin për një vepër penale të mëparshme, dhe gjashtë muajt e fundit i ka kaluar në liri, por me kusht.
Kujtojmë se Michalis Katsouris u vra gjatë konfliktit mes Dinamo Zagrebit dhe huliganëve të AEK-ut. Trazirat ndodhën të hënën, më 7 gusht.
Ai vdiq pasi u sulmua me thikë. Sipas mediave greke, Katsouris nuk mori pjesë në trazira, por u vra teksa ishte ulur në një kafene që ndodhej në të njëjtin vend ku u përleshën huliganët. /tesheshi.com/
