Muret e Instagramit po mbushen me pikë dhe presje. Janë tatuazhe të vërteta në pulsin e dorës, në qafë apo në pjesë të tjera të trupit. Mund të jenë edhe tatuazhe të përkohshme, të cilat hiqen për disa ditë. Nuk bëhet fjalë për ndonjë gjë të çuditshme, të lidhur me shkencën apo teknologjinë. Kuptimi i tyre është me të vërtetë prekës.
Shoqata jofitimprurëse “The Semicolon project”, e cila merret me problemet e shëndetit mendor, ka nisur një fushatë në rrjetet sociale, ku shpjegohet qartësisht kuptimi i shenjave pikë dhe presje.
Shoqata fton të gjithë ata që vuajnë nga ankthi, ataket e panikut, depresioni apo tentojnë vetëvrasjen, të vizatojnë në dorë një pike dhe një presje. Në këtë mënyrë ata nuk ndihen vetëm.
Kjo shenjë, e cila tregon ndërprerjen, nuk është rastësore. “Pika dhe presja, përfaqësojnë një fjali nga ana gjuhësore, të cilën autori mund ta kishte përfunduar, ta kishte mbyllur, por që vendos ta vazhdojë. Autorët jeni ju dhe fjalia është jeta jua”,- shpjegojnë dhe sqarojnë përfaqësues të organizatës, iniciatorë të kësaj nisme”./tesheshi.com/
