As një zë nga Kryesia Qendrore e BDI-së nga mbledhja e tyre e cila ka filluar në ora 13:00 në selinë e saj, në Reçicë të Vogël, lagje periferike e Tetovës Në këtë takim po diskutohet vendimi përfundimtar nëse do të bëhet koalicion me VMRO-DPMNE-në ose jo, i cili ka një peshë historike.
Takim i njëjtë u mbajt edhe gjatë ditës së djeshme, ku kryetari i Ali Ahmeti, përveç nënkryetarëve e kishte thirrur në konsultime edhe ish-kryeministrin për Implementimin e Marrëveshjes së Ohrit, Musa Xhaferin, i cili për një kohë të gjatë nuk ka dalë në publik, që pas publikimit të skandalit me bashkëpartiakën e saj, Ermira Mehmeti në përgjimet e bisedave telefonike.
Ndërkohë, zëdhënësi i BDI-së, Bujar Osmani mbrëmë tha se ende po analizojnë koalicionimin e mundshëm me partinë e Gruevskit dhe shtoi se konsultimet do të vazhdojnë edhe në ditët në vijim.
Mbledhjet dhe takimet në selinë e BDI-së në Reçicë të Vogël vijnë në momentin kur kanë mbetur edhe dy ditë, përfshirë edhe ditën e sodit, nga skadimi i afatit kushtetues për mandatarin Nikolla Gruevski që të formojë qeveri. /tesheshi.com/
