Ato kohërat e vjetra kur familja zbukurohej dhe merrte pozicione të bukura për të bërë një foto të përsosur, apo për të paraqitur një eveniment familjar dhe ku gratë zinin qanin kur kishin dalë keq, apo fotografi i kishte kapur në momentin e mbylljes së qepallave, janë zëvëndësuar me foto të njerëzve gjysëm të përgjumur që hanë, dikush tjetër kapet në teshtimë e sipër, e kështu me rradhë. Pra janë zëvëndësuar me atë që njihen si foto reale.
Ti bësh foto vetes apo siç njihet ndryshe ‘’Selfie’’ është një fenomen i ri që nuk njeh kufij dhe duhet thënë se kohëve të fundit është përhapur në mënyrë dramatike. Disa ëeb-site kompetente kanë përllogaritur se gjatë vitit 2014 kemi rreth 880 miliard foto me prevalence Selfie. Një shifër e frikshme kjo e cila e thellon edhe më shumë hendekun e debatit midis kritikëve dhe përdoruesve të tyre.
Përhapja e “Selfie-manisë” si fillim ndodhi në rrathët e të rinjve. Më pas u zgjerua tek njerëzit e famshëm, udhëheqësit politik, klerikët, duke hyrë madje edhe atje ku nuk hyn dot çdo njeri si sallat e operacioneve apo sallat e lindjeve, tek vendet e krimit, të pilotëve të avionëve teksa predha niset nga vjoni tyre, etj. Po ashtu kjo mani gjeti shtrirje edhe në stadiumet sportive, teatrot, vendet e shenjta, në hapsirë, së fundmi edhe kafshët kanë kontributin e tyre në këtë pjesë. Pa dyshim që nuk kishte sesi të shpëtonin ‘’gjallë’’ nga ky fenomen edhe selfiet me të ‘’vdekurit’’ apo varrezat.
Fotot spontane janë bërë pjesë integrale e medias bashkëkohore. Përdoruesi teknologjisë së fundit mund të bëhet njëkohësisht edhe prodhues lajmi me anë të dërgimit të informacioneve apo fotove. Pra jo vetëm konsumator i tyre.
Rreth këtij fenomeni, ekspertët psikologë dallojnë në analizat që bëjnë. Disa prej tyre e konsiderojnë këtë narcisizëm të tepruar dhe gjendje të trazuar mendore, ndërsa disa të tjerë e përshkrojnë si një nga mjetet moderne të vetshprehjes. Sëmundje mendore ose jo, ky fenomen po thyen çdo kufij të imgjinuar më parë dhe gara për selfijen më të bukur ka filluar që nga astronautët në hapsirë e deri tek minatorët në tynelet më të nëndheshme në tokë.
Burimi: Aljazeera, Përshtati: Enklid PELARI
