Një Macron ndryshe nga ai me të cilin jemi mësuar është prezantuar për publikun nga fotografi zyrtar i presidentit francez, duke publikuar foto ku shihet lideri francez duke u stërvitur në boks.
Në fotot e postuara pak orë më parë nga Soazig de la Moissonnière në llogarinë e saj në Instagram, Emmanuel Macron duket më i vendosur dhe…luftarak se kurrë, teksa shikon në thes dhe e godet me grusht.
Sipas faqes franceze femmeactuelle.fr, boksi ka qenë prej shumë vitesh një nga argëtimet e preferuara të presidentit francez, i cili e lejon atë të qëndrojë në formë, por edhe të lëshojë avull, në mënyrë që të përballet më i qetë me përgjegjësitë e panumërta të jetës së tij të përditshme.
Në një intervistë për Paris Match vitin e kaluar, Brigitte Macron përmendi se burri i saj stërvitet me boks dy herë në javë. Por përveçse një sport i preferuar që ai e ushtron privatisht, boksi është për presidentin francez dhe… mjet, pasi në vitin 2017 ai nuk ngurroi të vishte dorezat në publik për të mbështetur ofertën e Parisit për Lojërat Olimpike 2024. /tesheshi.com/
