Kreu i AKR-së, Behgjet Pacolli është shprehur haptas kundër mbajtjes së zgjedhjeve të reja me arsyetimin se nuk duhet të keqtrajtohen qytetarët dhe të shpenzohet buxheti i varfër i shtetit.
Ai ka thënë se është kundër bllokadave të mundshme pas certifikimit të rezultateve, por nuk ka treguar nëse do të jetë i gatshëm që t’i bashkohet koalicionit PAN, për formimin e qeverisë së re.
“Besoj se qytetarët janë lodhur duke dëgjuar tekat e politikanëve. Qytetarët kanë votuar, kanë dhënë fjalën e vetë dhe në bazë të rezultateve që dalin nga vota e qytetarit, duhet të bëhet zgjidhjet politike. Ky është mendim im personal. Nëse dikush nga AKR thotë diçka sepse ende nuk e dimë, në momentin kur i kemi numrat do të ketë lëvizje në këtë drejtim. Nuk mund të them asgjë tani. Ndoshta, z. Hoti di më tepër se ne diçka. Por, unë besoj se jemi marrë vesh që të presim certifikimin e zgjedhjeve dhe mbas certifikimit do të lëvizim”, ka deklaruar Pacolli.
Ai ka komentuar edhe rënien e partive kryesore politike duke thënë se votuesi është vetëdijesuar për t’i dënuar ata që kanë keq-qeverisur deri më tani./tesheshi.com/
