Nga Blendi Gashi
Ndërsa “martesa e zorit” PDK-LDK është drejt prishjes dhe AAK e NISMA shihen si partnerë të radhës të PDK-së në bashkëqeverisje, kreu i Aleancës, Ramush Haradinaj, në një intervistë dhënë së fundmi për mediat kosovare ka bërë një deklaratë tejet befasuese ku ka përjashtuar mundësinë që partia e tij të lidh koalicion qeverisës me partinë e Kadri Veselit si dhe të Isa Mustafës, pas zjedhjeve parlamentare kurdo që mbahen ato.
Por befasia nuk ka përfunduar këtu. Haradinaj poashtu ka përjashtuar koalicionin edhe me Vetëvendosje-n e Visar Ymerit, duke mos i lënë vetes shumë alternative, dhe një matematikë e tillë AAK-në e lë në opozitë pasi sondazhet e nxjerrin si të kartërtën edhe pse në koalicion parazgjedhor me NISMA-n.
Pavarësisht këtij fakti Haradinaj mendon se se partia e tij dhe e Limajt (me gjasë edhe AKR e Pacollit me të cilën janë në bisedime që ta marrin në kolicion) do dalin si parti e parë pas zgjedhjeve.
Dhe deri këto çdo gjë është në rregull, pasi secila parti opozitare synon triumfin. Por, realiteti që nga paslufta flet krejt ndryshe. Edhe nëse ndodh një befasi e tillë, AAK e NISMA e kanë të pamundur të marrin mbi 50% të votave të qytetarëve për të formuar e vetme qeverinë, dhe këtë sigurisht e di Haradinaj.
Andaj, dhënia e “vijave të kuqe”, ndaj tri partive më të mëdha në vend, njëjtë siç bëri Pacolli në një emision televiziv, ose është një deklaratë e qëllimshme e tij, ose një gafë e pafalshme për një opozitar që synon pushtetin.
Ky qëndrim i tij është pothuajse i njëjtë siç bëri Isa Mustafa sa ishte kryetar i Prishtinës ku në vazhdimësi sulmonte PDK-në dhe SHIK-un por në fund përfundoi në “krahët”e Thaçit dhe Veselit, dhe “tradhëtoi”, pikërisht Haradinajn, Limajn e Kurtin.
Andaj, shtrohet pyetja, a po e ndjek edhe Haradinaj rrugën e Mustafës, që duke sulmuar PDK-në në fund të lidh koalicion pikërisht me të, dhe sigurisht të thotë se “koalicionin e bëri për shtetin dhe qytetarët”?
Ja cilën nga partitë e mëdha do zgjedh AAK nëse fiton zgjedhjet
Analistët politikë thonë se pavarësisht kësaj deklarate Haradinaj duhet të zgjedh njërën nga tre partitë e mëdha nëse fiton zgjedhjet, derisa japin mendime të ndryshme se me cilën do lidhte koalicion qeverisës.
Nexhmedin Spahiu, analist politik shprehet se qëllimi i Ramushit është që së bashku me aleatët e tij të dalë i pari, të mandatohet për kryeministër, e pastaj të vëj kushte.
Spahiu, mendon se AAK synon të futet në koalicion paszgjedhor me LDK-në por pa Isa Mustafën.
“Nëse Ramushi del i pari në zgjedhje e ka lehtë ta rrëzojë Isën dhe të bëj koalicion me LDK-në, pasi kjo parti do të dalë me rezultate të dobta dhe deputetët e saj do të jenë të frikësuar të qëndrojnë në opozitë”, thotë Spahiu, për tesheshi.com.
Faik Krasniqi, njohës i rrethanave politike mendon se kreu i AAK-së do e mbaj fjalën dhe në fund nuk do e “tradhëtoi” elektoratin e tij duke bërë koalicion me PDK-në, siç bëri Mustafa.
Krasniqi, thotë se qëllimi i koalicionit të madh që po ndërton Haradinaj është që ai të dalë si fitues i zgjedhjeve, por shton se i duhet të zgjedh njërën nga tre partitë e mëdha.
“Prapëseprapë me njërën nga këto tre parti pas zgjedhjeve duhet të bëj koalicion, sepse është e pamundur për të formuar qeverinë edhe nëse del koalicion fitues vetëm me minoritetet. Pas zgjedhjeve jam i bindur që ky koalicion i madh do të bëjë koalicion me VV-në, për t’i dërguar në opozitë PDK-në dhe LDK-në”, shprehet Krasniqi, për tesheshi.com.
Arsim Haziri, poashtu analist politik, pohon se subjekti qё udhëheq Haradinaj, nuk shquhet pёr njё konsistencë nё qëndrime, andaj e ka të vёshtirё tё prodhoj alternativë tё besueme dhe tё thithё rezultat tё madh elektoral.
Sipas tij, Haradinaj, mё shumё nё opinion njihet pёr epёrsi tё madhe ndaj pushtetit sesa pёr kolektivin qytetarё, dhe çdo vendim i tij ёshtё sa i pёrkohshёm aq edhe i lёkundёr
“Njëherazi kjo argumentohet edhe pёr njё raport tё ri qё Haradinaj e krijoi me Veselin nё kohёn kur u thye blloku opozitar. Konsideroj se Haradinaj mё shumё dominohet prej tё qenit egoist politik sesa i botëkuptimit tjetёr ideologjik, socialdemokracisë. Kёshtu qё çdo intervistë e qёndrim nё rrafsh medial ёshtё jo i besuem, mbase tёrё kohёn qё ai vazhdon tё jetё nё politike mё shumё njihet pёr ambicie tё mёdha pёr pushtet. Potencimi se ka tё pamundshme tё formoj qeveri bashkё me dy subjektetet e krimit ёshtё konstatim i paqёndrueshёm, jo qё e them unё po e fletё gjendja reale e fizike”, thotё Haziri, pёr tesheshi.com.
