Sot fryu era një marrëveshje të mundshme politike e mirëpritur nga gjithë opionini publik, por është një njeri që nuk beson ose nuk e do këtë marrëveshje; ai është Sali Berisha.
Pas takimit Basha-Rama dhe pas një konsulte që Basha pati me Berishën direkt pas daljes nga Presidenca, ish-kreu i PD-së që duket se luan rolin kryesor në gjithë vendimarrjen politike të kësaj partie dhe pas dorëzimit në duart e Bashës, foli për dështimin e negociatave.
Ja çfarë shkruan Berisha:
“Karrigia e Norieges së Shqipërisë, Edi Ramës, po shtyn vendin drejt humnerës!
Në vend të një zgjidhje politike, zgjedh mbrojtjen me çdo çmim të karriges së tij!
Të dashur miq, Noriega i Shqipërisë pranon çdo gjë tjetër por jo një kryeministër teknik sepse nuk i njeh vetes asnjë përgjegjësi për Narko-Republikën që ndërtoi”.
Më tej ai flet për revolucion. “Revolucioni demokratik do ta hedhë Noriegën e Shqipërisë në vendin që ai meriton”.
