I ndjerë i sfiduar nga ngjarjet më të fundit, ku veçojnë plumbat në shtëpinë e prindërve të gazetares Klodiana Lala, si dhe më pas vrasja e radhës në Shkodër e 31-vjeçarit Arjan Ferracakut hipur mbi kalë, ministri i Rendit Fatmir Xhafaj ka mbledhur vartësit e tij të strukturave më të larta të policisë, siç thuhet në të tilla raste, për t’u “mbledhur rripat”.
Mësohet se me tone të ashpra, Xhafaj iu është drejtuar krerëve të policisë, mes tyre dhe Drejtorit të Përgjithshëm Ardi Veliu, që të zbardhin urgjentisht këto raste të rënda krimi, përndryshe ai ka paralajmëruar masa ekstreme deri në shkarkim nga detyra.
Prej javësh Xhafaj nuk ka qenë as aktiv në public, ndërkohë që situata e rendit nuk ka pasqyruar aspak “forcën e tij të ligjit”. /tesheshi.com/
