Janë publikuar pamje të asaj se për ç’akuzohet së fundi ushtria britanike, sipas një denoncimi nga BBC.
Media prestigjioze publikoi një investigim, ku tregohen krimet e dyshuara të luftës nga njësia e armatosur SAS e Britanisë së Madhe, kryesisht në Afganistan.
Mes fakteve dhe pamjeve filmime dokumentohen aktet barbare ku ushtarët britanikë ekzekutojnë civilë të paarmatosur nën dyshimin se janë talebanë. Nga hetimi në fjalë pretendohet se janë zbuluar 54 vrasje të dyshimta të kryera nga një njësia britanike SAS në gjatë një misioni 6-mujor në Afganistan në vitet 2010-11.
Programi shfaqi një video rrëqethëse të një ushtari të SAS duke qëlluar për vdekje një burrë afgan të paarmatosur ndërsa ai ishte i shtrirë krejt pafaj në një fushë.
Por ky investigim ka marrë kritika të shumta nga veteranët, të cilët deklarojnë se pamjet janë marrë gjatë seancave të tyre stërvitore, ku ata qëllojnë thasë.
Ish-rreshteri i SAS Chris Ryan kritikoi përdorimin e videos nga programi i BBC, së bashku me intervistat me një ish-anëtar australian të SAS.
“Një nivel i ri i ulët pasi BBC përdor pamjet dhe personelin SASR (SAS Australian) për t’i dhënë besim supozimeve të tyre të pabaza në lidhje me SAS-in britanik. Hiqni ato pamjet/dëgjimet dhe në rastin më të mirë është një interpretim/opinion i gazetarit”, tha ai.
Shefi në pension i Marinës Mbretërore, Christopher John Parry, paralajmëroi gjetjen e trupave britanike të SAS fajtor nga dokumentari. Anëtarët e SAS-it australian e cila është e ndarë nga ekuivalenti i saj në Mbretërinë e Bashkuar aktualisht po përballet me një gjyq për vrasje. /tesheshi.com/
