Persona të armatosur hapën zjarr ndaj një automjeti që mbante një gjeneral të Gardës Revolucionare të Iranit (IRGC) në juglindje të vendit, ku si pasojë u vra truproja e tij në të shtënat që pasuan.
Gjenerali Hossein Almassi, komandanti i IRGC-së në provincën Sistan-Baluchistan, i mbijetoi pritës dhe doli nga përleshja pa lëndime, njoftoi agjencia shtetërore e lajmeve IRNA.
Lajmi thotë se “kriminelët” hapën zjarr në një pikë kontrolli në Iranin juglindor, në një rajon në kufi me Pakistanin dhe Afganistanin, ku separatistët nga pakica Baluchi dhe grupe të tjera të armatosura përleshjen me forcat iraniane.
IRNA pretendon se forcat e sigurisë kanë arrestuar ata që janë përgjegjës për sulmin pranë kryeqytetit provincial të Zahedanit.
Truproja e ndjerë është identifikuar si Mahmoud Abslan, djali i gjeneralit Parviz Absalan, një komandant tjetër i IRGC-së në rajon.
Sulmi ndodhi natën e përvjetorit të themelimit të Gardës Revolucionare pas Revolucionit Islamik të vitit 1979.
Kujtojm që afro tre vjet më parë, amerikanët do ekzekutonin kreun e Gardës, Gjeneral famëmadh Soleimanin. /tesheshi.com/
