Shtetasi serb Semir A., 37 vjeç, u dënua me burg të përjetshëm në Gjermani të hënën sepse në maj të vitit të kaluar mbyti fëmijët e tij djalë e vajzë, 8 dhe 6 vjeç.
Ai e kreu aktin e tmerrshëm, pasi mendoi se do ta lëndonte aq shumë gruan e tij Bianca S, 29 vjeçe, sepse ajo e la atë dhe shkoi të jetonte me një burrë tjetër.
Gjatë gjykimit, ai pranoi krimin dhe tha se fëmijët e tij, përkundër asaj që bëri, ishin “gjëja më e rëndësishme në jetë”(!).
Sipas portaleve gjermane, krimi i tmerrshëm ndodhi në maj të vitit 2020 në shtëpinë ku Semir jetonte, në Regensburg.
“Semir u la nga gruaja e tij Bjanka në fillim të vitit 2020 dhe ajo pastaj shkoi të jetonte me një burrë tjetër me fëmijët e saj. Semir kishte të drejtë të shihte fëmijët disa herë në javë dhe fëmijët zakonisht shkonin në shtëpinë e tij. Në ndërkohë, ai iu lut Bjankas që të kthehej, duke e siguruar që ai e kishte falur, por gjithçka ishte e kotë,” shkruajnë mediat gjermane.
Zemërimi dhe xhelozia e tij u rritën me kalimin e kohës dhe ai sajoi jë plan monstruoz për ta bërë Bianca-n të vuante.
“Semir i morri fëmijët në shtëpinë e tij në maj të vitit 2020 dhe u sugjeroi që ata të luanin lojën e një oficeri policie dhe një hajduti. Ai më pas i lidhi ata në karrige dhe u vuri qese plastike në kokë, duke i siguruar që kështu i trajton policia hajdutët, duke i mbytur më pas”, raportojnë portalet.
Pas kësaj, ai shkoi të shikonte vendin në një urë aty afër me qëllimin për t’u hedhur në Danub, por ishte i frikësuar për vdekje dhe ndryshoi mendje. Ndaj shkoi në polici dhe me qetësi tregoi se çfarë kishte bërë.
Një patrullë menjëherë shkoi në shtëpinë e Semirit, kuu hasën me pamjen e tmerrshme.
Gjatë hetimit, por edhe në gjykatë, Semir tha se ai vrau djalin dhe vajzën e tij për të dëmtuar ish-gruan e tij, pasi ajo nuk donte të kthehej tek ai.
“Më bëri shumë të vuaj fakti që Bianca jetonte me një burrë tjetër e fëmijët e mi jetonin me të. Unë nuk dija si të hakmerresha ndaj saj, kështu që vrava fëmijët në mënyrë që edhe ajo të ndihej fajtore për prishjen e martesës sonë. fëmijët, përkundër gjithçkaje që bëra, ishte ende gjëja më e rëndësishme në jetën time,” raportuan mediat deklaratën e tij tronditëse.
Në fillim të gjykimit, mbrojtja kërkoi që Semir të dënohej me 14 vjet burg, por prokuroria këmbënguli në burgim të përjetshëm. Gjykata në Regensburg, pasi vlerësoi të gjitha provat, si dhe ekspertizën psikiatrike të të pandehurit, vendosi t’i shqiptojë dënimin më të rëndë.
Gjatë dënimit, gjykatësi i tha Semirit të pranonte me qetësi qëndrimin e tij në burg “në mënyrë që nëna e fëmijëve të vrarë, e cila pësoi tronditje të mëdha mendore, por edhe të afërmit e saj, të mund të shëroheshin”.
“Eshtë e mundur të aplikosh për lirim me kusht pas 15 vitesh burg. Duke marrë parasysh që ato 15 vjet nuk ndryshojnë shumë nga dënimi 14 vjet i propozuar nga mbrojtja, unë besoj se vendimi është i drejtë,” theksoi gjyqtari. /tesheshi.com/
