Sri Lanka ka kthyer kontejnerët e mbeturinave në Britaninë e Madhe, të cilat qeveria tha se ishin transportuar në kundërshtim me ligjet ndërkombëtare që rregullojnë transportin e materialeve të rrezikshme.
Oficerët e doganave i thanë AFP se 21 kontejnerë transporti, të cilët përmbanin deri në 260 ton mbeturina, arritën për herë të parë në portin kryesor të kryeqytetit Colombo midis shtatorit 2017 dhe marsit 2018 dhe shtuan se ato kontejnerë u larguan nga Sri Lanka të shtunën.
Kontejnerët supozohej të kishin dyshekë të përdorur, qilima dhe veshje, por ato gjithashtu përmbanin dhe mbeturina spitalore, thanë zyrtarët.
“Dërguesi ka rënë dakord të marrë përsëri 21 kontejnerë … Ne jemi duke punuar për të siguruar kompensimin nga ata që janë përgjegjës për mbërritjen e kontejnerëve në vend,” tha zëdhënësi i doganave Sunil Jayaratne.
Dogana nuk zbuloi se çfarë lloj mbetje spitalore ishin, por në kontejnerët e importuar më parë ilegalisht, kishte lecka, fasho dhe mbeteje nga morgjet, sipas zyrtarëve.
Mijëra tonë mbetje të paligjshme
Një shtesë prej 242 kontejnerësh nga Britania, për të cilat qeveria thotë se përmbajnë mbeturina të paligjshme, në kundërshtim me ligjin ndërkombëtar, janë ende të braktisura në të njëjtin port në zonën e tregtisë së lirë përpara Colombos.
Ato mbërritën në 2017 dhe 2018.
Qeveria po ndjek një proces gjyqësor kundër transportuesve për të hequr të 242 kontejnerët prej aty.
Hetimi i vitit të kaluar në Sri Lanka për gati 3,000 tonë mbetje të rrezikshme të importuara në mënyrë të paligjshme, zbuloi se importuesi dërgoi përsëri gati 180 tonë të atyre mbeturinave në Indi dhe Dubai në 2017 dhe 2018.
Në vitet e fundit, disa vende aziatike kanë refuzuar të trajtohen nga vendet e pasura si një vend për hedhjen e mbeturinave dhe kanë kthyer kontejnerët plot me mbeturina që vinin nga jashtë. /tesheshi.com/
