Ata akuzoheshin për një pagesë të dy milionë frangave zvicerane nga arkat e FIFA-s, e cila u krye në vitin 2011, për Platininë. Dyshja u mbrojt duke thënë se nuk kishin kryer asnjë krim dhe se kjo shumë ishte tarifa e Platinisë që FIFA ishte e detyruar ta paguante atë për rolin e tij konsulent.
“Nuk dua të kthehem në atë botë”, ka thënë Platini në një intervistë për kanalin televiziv LCI.
“Pas vitesh bujë mediatike, dua të jetoj në paqe. Mendoj se unë dhe familja ime meritojmë një pushim mediatik”, shtoi ai.
Megjithatë, Platini nuk dëshiron që ky hap të kuptohet si largim i plotë i tij nga futbolli.
“Unë nuk e kam shpallur pensionin tim. Por nuk do të kthehem më në institucionet që më thyen. Nuk dua të punoj me FIFA-n, UEFA-n apo Federatën Franceze. Është një vendim që e kam marrë shumë kohë më parë”, tha futbollisti legjendar francez.
Ndërkohë, ai nuk ka vijuar as ndonjë karrierë si trajner, referuar faktit që ka qenë një futbollist më emër.
Fama e tij kulmoi në gjysmën e dytë të viteve ’90, me kombëtaren francezë e me Juventusin. /tesheshi.com/
