Kryemiministri Edi Rama prezantoi një ditë më parë platformën e bashkëqeverisjes, e cila do të drejtohet nga Sajmir Tahiri. Dhe duket se ish-ministri i Brendshëm e ka marrë me shumë seriozitet detyrën e re, atë të Koordinatorit Kombëtar për bashkëqeverisje.
Para Asamblesë së PS-së, Tahiri u shpreh se platforma e prezantuar nga Rama do të merret seriozisht.
“Sa më e gjatë koha në pushtet aq më e madhe bëhet arroganca. Tani kemi qeveri, kemi ligje i kemi të gjitha. Tani kemi fituar vetëm me njerëzit, ndaj dhe sot kemi përgjegjësinë më të madhe.
Ose të mbyllim sytë për njëri-tjetrin, ose të çlirohemi nga gjithçka që është pengesë për njerëzit.
Kryeministri hapi dje një dritare jo të vogël, por nëse shfrytëzohet siç duhet mund të jetë rruga e jonë më e mirë. Ti bindim se e kemi seriozisht kur i dëgjojmë njerëzit”, tha Tahiri. /tesheshi.com/
