Presidenti turk, Rexhep Tajjip Erdogan, gjendet në Arabinë Saudite për një vizitë zyrtare. Para takimit të hënën me mbretin saudit të ulur rishtas në fron, Selman bin Abdulaziz es-Saud, ai vizitoi Mekën, duke kryer pelegrinazhin e vogël, të quajtur Umre. Erdogani qe i shoqëruar në vendin më të shenjtë islam, në Qabe, nga bashkëshortja e tij, Emine Erdogan, nga zëvendëskryeministrat Jalçën Akdogan dhe Numan Kurtulmush, nga ministri i ekonomisë, Nihat Zejbekçi, nga ministri i punëve të jashtme, Mevlut Çavushoglu, nga gazetarë e afaristë.
Prania e presidentit turk, i shfaqur me ihram, petku i bardhë i veshur gjatë pelegrinazhit, ka ngjallur interes të jashtëzakonshëm.
Sot ai do të gjendet në Riad, për takimin me mbretin saudit. /tesheshi.com/
