Nga Blendi Gashi
Disa letra elektronike janë publikuar të premten nga mediat kosovare, të shkëmbyera mes disa aktivistëve dhe deputetëve të Lëvizjës Vetëvendosje dhe kryetarit të saj, Visar Ymeri, ku tregohet se ka nisur një përçarje brenda këtij subjekti.
Konretisht sipas letrave përplasja ka ndodh mes dy prej njerëzve kryesor të VV-së, deputetit Albin Kurtit dhe deptuetes Aida Dërguti, ku sipas shkëmbimeve të letrave kjo e fundit ka fyer Kurtin.
Gjithçka ka fillur pak pas arrestimit të Kurtit nga policia, ku Dërguti e ka ofenduar ish-liderin e kësaj partie në një grup të përbashkët në rrjetin social në Viber.
Deputeti Dardan Molliqaj kishte njoftuar për arrestimin e deputetes Donika Kadaj.
Duke menduar që po ia kthen personalisht Molliqajt, Dërguti ka shkruar ofendimin e saj në grupin me të gjithë deputetët. Ka pyetur: “E atë m***in?”, duke iu referuar Kurtit.
Kjo ka shërbyer për përplasje të forta në Vetëvendosje.
Këtë fyerje e ka konfirmuar edhe kryevetëvendosësi Visar Ymeri, përmes një letre që ua dërgon aktivistëve të Lëvizjes nga Tirana të cilët paraprakisht i janë ankuar Ymerit, megjithatë letra nuk tregon se për fyerje e bërë, pra gjuhën e përdorur nga Dërguti.
Ky i fundit u thotë aktivistëve se e ka qortuar deputeten Dërguti përmes një telefonate, duke i kërkuar që ajo t’i ndal fyerjet menjëherë, ndërsa pohon se kjo çështje do të trajtohet në mbledhjen e Kryesisë së partisë pasi të lirohet Kurti nga paraburgimi.
Por vetëm ky qortim nuk i kishte kënaqur aktivistët, duke thënë se ai është dashur të reagoj më shpejtë dhe mos ta mbajt këtë çështje të fshehtë nga ta.
“Nga ana tjetër, një qortim privat, i mbajtur i fshehtë deri dje, nuk mund të quhet një përgjigje e denjë ndaj një ofendimi të rëndë publik si ai që ka bërë Aida Dërguti ndaj Albin Kurtit, dhe të gjithë Lëvizjes VETËVENDOSJE! dhe qytetarëve që na mbështesin, duke komunikuar në atë mënyrë absolutisht të papranueshme në Grupin e Deputetëve të Lëvizjes VETËVENDOSJE!.”, thuhet në letrën e dy aktivistëve Bojken Abazit nga Tirana dhe Xhelal Sveçlës nga Prishtina të siguruar nga “Koha Ditore”.
Sipas letrës së tyre, këto gjeste, të bëra në sy të të gjithë deputeteve, qojnë drejtë normalizimit që siç e quajnë ata “fushatës negative ndaj Kurtit”.
Me këtë rast, nëntë anëtar të kryesisë (Fatmire Kollçaku, Ismajl Kurteshi, Dejona Mihali, Boiken Abazi, Nazlie Bala, Elvis Hoxha, Xhelal Sveçla) kishin kërkuar një mbledhje të jashtëzakonshme të Vetëvendosje-s, për datën 4 dhjetor, ku do të diskutohej kjo përplasje.
“Të gjithë anëtarët e Kryesisë që kanë dhënë nënshkrimin e tyre për mbledhjen e nesërme e kanë dhënë këtë nënshkrim duke u shprehur se kjo mbledhje do të fillojë me pikë të parë të Rendit të Ditës çështjen e shtruar në letrën e datës 2 dhjetor 2017, drejtuar Kryesisë së Lëvizjes VETËVENDOSJE!, dhe me tej do të vazhdojë me të gjitha çështjet e tjera të rëndësishme, përfshirë Demarkacionin, strategjinë tonë, etj.”, thuhet më tej në letër. Ende nuk dihet nëse kjo mbledhje ishte mbajtur.
Ja ç’thonë disa nga vetëvendosësit
Portali tesheshi.com ka kontaktuar me protagonisten Aida Dërguti dhe disa nga deputetët që kanë kërkuar mbledhje të jashtëzakonshme por jo vetëm për incidentin në fjalë.
Kryeprotagonistja e kësaj përplasje Aida Dërguti e kontaktuar nga tesheshi.com nuk e ka hapur telefonin por përmes mesazhit ka kërkuar që t’i shkruajmë, çka edhe kemi bërë por ajo nuk ka kthyer përgjigje pasi i është dërguar pyetja. Ajo është kontaktuar sërish por nuk e ka hapur telefonin.
Ndërsa Ismajl Kurteshi anëtarë i Kryesisë që ka qenë një prej atyre që ka kërkuar mbledhje të jashtëzakonshme për rastin në fjalë ka konfirmur mospajtimet por nuk ka dashur të japë detaje.
“Vetëvendosje është duke punuar shumë mirë. Nganjëherë përplasemi kur nuk pjatohemi, por krejt në rregull është në Vetëvendosje. Nuk pajtohemi nganjëherë por prap jemi bashkë. Për këtë muhabet s’kemi çka flasim më”, ka thënë Kurteshi për tesheshi.com pa dashur të japë detaje.
Kurse deputetja Albulena Haxhiu ka thënë se nuk është në dijeni për rastin në fjalë.
“Nuk kam informacione se çka paska ndodh. E shikoj dhe pastaj dëgjohemi…”, ka thënë Haxhiu për tesheshi.com.
Haxhiut pas një ore i është dërguar një mesazh për të pyetur nëse mund të flasë, por nuk ka kthyer përgjigje, ndërsa më vonë telefoni i ka dalur i fikur.
Portali ynë ka kontaktuar edhe krytarin e VV-së Visar Ymeri por ai nuk ka hapur telefonin.
/tesheshi.com/
