Duket se është kthyer në një trend të zakonshëm që komisionet parlamentare të kthehen në një arenë sherresh dhe fyrjeve mes përfaqësuesëve të mazhorancës dhe opozitës.
Përplasjet mes tyre nisën gjatë kohës kur ministri i Punëve të Jashtme, Ditmir Bushati po raportonte mbi projektbuxhetin e vitit 2017. Në këtë moment, ka qenë deputeti demokrat, Kastriot Islami, ai i cili ka ndërhyrë duke e akuzuar atë se nuk po flet me një fjalor zyrtar, por një komunikim të një niveli rruge.
Ti nuk po flet si ministër. Je rrugaç, flet me fjalor rrugaçi, ti je arrogant”- i është drejtuar deputeti Islami ministrit të Jashtëm. Nga ana tjetër, Bushati u kundërpërgjigj, duke thënë se nuk do të tregojë gjatësinë e tij, duke trashur zërin, siç bëjnë disa zyrtarë.
Gjatë përplasjeve mes tyre, kryetarja e Komisionit, Arta Dade i ka tërhequr vëmendjen Islamit, duke i thënë se nuk po respektonte etikën e komunikimit. I gjithë ky debat është bërë në prani të mediave.
Një rast i ngjashëm ishte ai i një dite më parë, mes deputetit Flamur Noka dhe kreu të komisionit të parlamentar të sigurisë, Spartak Braho e ministrit të Brendshëm, Saimir Tahiri. Këtë të fundit e quajti “karagjoz”, ndërsa Brahon si “të paaftë” për të drejtuar mbledhjen. Sherri nisi pasi ministri Tahiri do të linte mbldhjen, me justifikimin se kishte takime të tjera të planifikuara./tesheshi.com
